ماسك السدر للوجه

ماسك السدر للوجه

صحيح جنب بيتنا في شجرة سدرة ♥ مشان هيك اليوم موضوعنا عن ماسك السدر للوجه , كتير بحبها شجرة السدرة, وللأن كتبت اكثر من موضوع بخصوصها استخدمتها لكل شيء, وبصراحة لكل شيء رائعة, لكن حبيت تدوينة اليوم البسيطة تكون عن ماسك السدر للوجه فقط وهي خلطة اكثر من رائعة.

. .

انا بدأت بالتعرف على السدر وخصوصا للوجه, من قبل تركي للمنتجات التجارية, لكن صدقا ما شفت النتائج الجميلة بشكل عام مع أي مادة طبيعية كانت إلا لما تركت ووقفت استخدام المنتجات التجارية بشكل كامل, بمعنى توقفت عن استخدام أي غاسول للوجه, أي تونر, أي ماسك أي كريم نهار أي سيرم, الى اخره من منتجات يتم انتاجها من شركات هدفها واضح ومحدد, تخيلوا معي كم منتج فقط نستخدم للوجه, والحمد لله من تركت هالمنتجات واتجهت للطبيعية اتجهت للشيء المشابه لخلايا جسمنا وخلايا بشرتنا حتى انحلت الكثير من المشاكل, واشتغلت على الصح والاساس وهي العناية الداخلية, وشفت العجب العجاب من نتائج جميلة على بشرتي, والله يسامحني على كل سوء تعامل لبشرتي كان بسبب جهلي قديما مع المنتجات التجارية.

فالسدر وحده فقط, ممكن تستبدلي الشامبو, غسول الوجه, ماسك للوجه, غسول للجسم, مقشر للجسم, والله يا بنات لو تعرفوا قيمته ما حيبقى شجرة سدرة في أي حديقة ههههه, ما بتتخيلوا وانا بتمشي كل يوم وانا بمشي بشكر ربنا وبحمده على عدد الشجر الكبير الموجود في منطقتي ويالله شو بزعل لما اشوف شجرة جنب عمارة وعم يقصوا فيها,, ليييش؟!

طبعا ماسك السدر للوجه غني عن التعريف وكتتتار حكوا عنه وعن تجاربهم معه, وانا اعتبره مادة اساسية ولها فوائد رهيبة وسبق تكلمت عن هالفوائد, حضع اللينكات اخر الموضوع, لكن اليوم حشاركم كيف استخدم واعمل ماسك السدر للوجه

بالعادة كنت استخدم السدر كغسول لوجهي, لكن بما انه والحمدلله تخلصت من مشاكل البشرة الدهنية والحبوب وبشرتي اصبحت متوازنة لا تفرز الزيوت بجنون كالسابق, صرت اميل لغسولات اخرى واحيانا كثيرة فقط الماء,, بدأت انوع بين الماسكات كل فترة, ومن الماسكات اللي دائما اعود الها السدر, وانا بكل صدق من انصار الماسكات البسيطة اللي تتكون من مادتين مهمات الى 3 مواد اقصى شيء, اشعر انك تستفيدي اكثر, ما بعرف, شو رأيكم انتوا, خبروني بالتعليقات؟

. .

مكونات ماسك السدر للوجه :

♥ 1 ملعقة بودرة سدر مطحون

♥ 1 ملعقة لبن رائب (احيانا استبدله بحليب جوز الهند مخلوط بالماء).

♥ القليل من العسل (احيانا ولما بدي اغذي بشرتي اكثر, لكن ابدا مو اساسي)

طريقة عمل ماسك السدر للوجه :

♥ اخلطي جميع المكونات جيدا لمدة دقيقة او اكثر.

♥ الفكرة من خلط المكونات لوقت طويل قليلا, هو استخراج جميع المواد المنظفة, المطهرة والمعقمة من السدر, بالتالي تستفيد البشرة منه.

♥ دهنه على البشرة وتركه حتى يجف او لمدة 15 دقيقة.

♥ الترطيب .. الترطيب ... الترطيب...

بالعادة هيك ماسكات بحب اعملها بالليل وقبل النوم, بدل الغسول, وبعدها كثير مهم نرطب بشرتنا ونحافظ عليها, طبعا لو بشرتك غير دهنية او بمعنى اخر جافة جدا, مهم كثير اللبن لأنه يساعد بشرتك انها ما تجف, وايضا لا تتركي الماسك على وجهك فترة كبيرة, ولو بشرتك جافة, ممكن ما بتحتاجي الماسك مثل صاحبات البشرة الدهنية او حتى العادية, بالنسبة لي الماسك اكثر من رائع, تجربتي معه قديمة وجديدة,تجربتي معه كانت كالتالي: ماسك السدر للوجه ينظف الوجه والمسامات يطهر ويعقم البشرة, يخلصك من الحبوب, فعلا هو من المواد التي تساعد جدا في التخلص من حب الشباب, ايضا نعم هو ينعم البشرة ويخفف بشكل ملحوووظ جدا من البقع واثار حب الشباب.

ماسك السدر للوجه

ماسك السدر للوجه

روابط مفيدة