خلك م الكلام

خلك م الكلام .. ان قتلك درت ف غيابك اعزام ..

امغير كلام خلك م الكلام

خلك خوذ مــــــــــــــــــــــني .. موش كلام غناين ايغني

ما مازلت لاول رغم سنـي .. لك لا تو ننصب فالعلام

خلك م الكلام .. ان قتلك درت ف غيابك اعزام ..

امغير كلام خلك م الكلام

خلك ياحبيب يابوقلب طيب ياالطيب .. ياالبعيد مني ياقريب

ياجياي ديما فالمنام

عمري فيك ماشوقي انسيب .. عمري فيك ما انيس اقسام

مهما حط من ضاري وطيب .. مهما دق دقاقي ارمــــــــام

ضنك في عمري ما انخيب .. لك مازلت ولغيرك حرام

خلك م الكلام .. ان قتلك درت في غيابك اعزام ..

امغير كلام خلك م الكلام

خلك خذ الـــــــــــــــــــراي .. وكون امعاي ماتبقا احذاي

هناك اوحود ياداي و دواي .. دواهم داي دبلاجة افــلام

ان قالو ديْ فيا و من وراي .. عطيتك علم دوس بالقدام

وقول عزيز مايصبر بلاي .. وهي الصحيح لي يوم الختام

خلك م الكلام .. ان قتلك درت ف غيابك اعزام ..

امغير كلام خلك م الكلام

خلك م الــــــــــــــــــــدواوي .. فيك العقل ماسكاتا رساوي

فيت عليك ماعنده حكاوي .. يابو دور كي ريش النعــام

و يابوعين كي عين النداوي .. ويابو هدب ظلل ع الميــام

ويابو جوف تحته وسط خاوي .. اتقول اضراب داير ع الطعام

نسيتك وين نلقالها فــــــــتاوي .. او وين انذوح بدموع اليتام

صعيب النسو حتى لجــلاوي .. يا بال انت مي عشرت ايام

من اول صوم وانا فيك غاوي .. ولي بعد سطاشر اصـــــيام

خلك م الكلام .. ان قتلك درت ف غيابك اعزام ..

امغير كلام خلك م الكلام

خلك م القطـــــــــــــــــــاف .. مافكرت في لحظة اخلاف

بلاك العقل ياصايف اصياف .. وموش بعيد يلفاله عــــــــــدام

نجري جري شور دار التلاف .. وراك اسببا ياسمح لابســام

تنضر فيه مريوح ايـــتــــراف .. امغير عليش قلت هالرحام

حتى ان كان في صوبي اتعاف .. عند العقل راك صاحب مقام

ماللعيب يعرف شي اســـلاف .. طبك فيه ياغالي حــــــــــرام

روف عليه فيه الله خـــــــــاف .. وعد القبر ساعات الظــــــلام

خلك م الكلام .. ان قتلك درت ف غيابك اعزام ..

امغير كلام خلك م الكلام

خــــــــــــلك م السهاري .. موحك راه حوسلي مداري

مافرزت ليلي من نهاري .. دونك توق توقت بدر تام

ان دارن عزم فغيابك انضاري .. وقلت ان ريت مكحول لميام

عليك انعد ما سيه انواري .. امعاك انكون قاسي فالملام

وانقول ان تقت لك عيبي قراري .. او وين اتوق نسكت والسلام

خلك م الكلام .. ان قتلك درت ف غيابك اعزام ..

امغير كلام خلك م الكلام

واســـلـــيـــمـــتـــكـــم يـــاغـــوالـــى

روابط مفيدة