قصيدة للشاعر علي سعد الشمراني والرد من الحوالي

قصيدة للشاعر علي سعد الشمراني والرد من الحوالي

الشاعر علي سعد الشمراني
قال
:
قلت فيني حزن واصل منتهاه
قالت ادري بس شف قلبك حجر..!

قلت مادام الأمل طوق النجاه
باتشبث فيه وارضى بالقدر

قالت احسك غريب وقلت هاه؟
قالت: تمثل وقلت الوقت امر

وكانها عالبسمه اللي في الشفاه
لازم اساير ملايين البشر

ولا انا مطعون من كل اتجاه
الليالي هم وايامي قهر

خافقي بستان وهمومي طغاه
احرقوه وما بقى وسطه ثمر

كل ماهب الشقا خذني معاه
قلت له صبرا ولكن ماصبر

لعن ابو هالحظ مدري وش وراه؟
في حماه الهم وبغفله كبر

اسمعي يابنت عيريني انتباه
باعترف لك واعترافي لك خطر

صدقيني مانخلقت لهالحياه
انخلقت احيا على سطح القمر

ورد عليه الحوالي

وقال
:

القمر والكون ما تسوى جفاه
طول عمري ما افارق له حدر

ما أبي غيره من أموالن وجاه
كل ما سجيت فكري به ظهر

طول عمري والدهر احدا حداه
ان كتبت في غيرها قل السطر

يارقيق الحس فيك الحسن تاه
يا رفبق القلب وين احلى بشر

الخلق والزين في اول صباه
قد طعني حبك البالي غدر

إن لمحت اقبالهم ضوح سناه
يا مراحيبن تراحيب المطر

ودي أكمل مابقى كله معاه
أو مماتي ياعرب صدره قبر

والكفن من شعرها ولا عباه
من طرفها أقطعولي لو شبر

ياحلاه و يا جماله يا بهاه
كل ما شفته تلاشى لي كدر

يفتخر شعري بها يومه طراه
والشطر فيها يجيبه لي شطر

والقلم في ابتهالن من سباه
والقلم لو جف ما جف الحبر

قصيدة للشاعر علي سعد الشمراني والرد من الحوالي

قصيدة للشاعر علي سعد الشمراني والرد من الحوالي

روابط مفيدة